per Chantal Demarest
Prèp de Mejalanon, a Sant-Salvador ont nascut l’abat Justin Besson, un autre escriban occitan tombèt dins un brèç vesin, lo de la bòria de Cantacocut lo 17 d’august 1912 : Honorat Andrèu Pradel, lo cachaniu d’una clocada de cinc dròlles. Li disián Andrèu.
De segur, aquel dròlle ausiguèt las istòrias de l’abat. Amb lo nom de Cantacocut, predestinat, deguèt tanben ausir d’istòrias de bèstias salvatjas. Darrièr del mainatge, la bòria amb sos quatre ectares seriá pas per el. Poguèt escapar a la vida eclesiastica e a l’armada, devenant mecanician puèi menaire de car, de Vilafranca a La Sala1. […]
